Xiaomi яна битта смартфон тақдим этяпти: орқасидан – Mi 9, олдидан – Redmi K20!
«Хитойча Apple» ҳали кечагина – 28 май куни Redmi K20 ҳамда Redmi K20 Pro смартфонларини намойиш қилганди. Булардан иккинчиси AnTuTu бенчмаркида Xiaomi Mi 9 (сотиб олиш) флагманидан ҳам юқори – салкам 390 000 балл олган, яна Redmi K20 Pro: «катта иблис» Geekbench’да ҳам ўз кучини кўрсатди.
ЎҚИНГ: Xiaomi яна битта – Mi 9T флагманини тақдим этяпти, хусусиятлари билан танишинг!
Бугун Xiaomi эълон қилган тизерга кўра, энди тез кунларда Mi туркумида ҳам янги моделлар пайдо бўлади! Қизиғи – унда тасвирланган смартфоннинг орқа панели Xiaomi Mi 9 (сотиб олиш) моделига, олд томони эса Redmi K20’ларга ўхшаб тирқишсиз ва кемтиксиз тўлиқ экрандан иборат.
Ҳиндистонлик инсайдер Мукул Шарма (Mukul Sharma) ўзининг Twitter саҳифасида эълон қилишича, унинг манбалари ҳам аввал аниқланган бир маълумотни тасдиқлашган. Яъни, Xiaomi албатта Mi 9T ҳамда Mi 9T Pro смартфонларини чиқаради ва улар тегишлича Redmi K20 ҳамда K20 Pro моделларининг жаҳон бозорига мўлжалланган версиялари бўлади.
ЎҚИНГ: Redmi K20 ҳамда Redmi K20 Pro смартфонлари глобал бозорга бошқа номлар билан чиқади (+суратлар)
Айни дамда янги смартфоннинг бозорга қандай ном остида тақдим этилиши аниқ эмас, зеро, бугуннинг ўзида Redmi K20 моделларининг глобал версиялари борасида яна иккита ном вариантлари ҳақида маълумот тарқалган. Яъни, уларнинг стандарт ва илғор версиялари тегишлича Mi 9K ҳамда Mi 9K Pro тарзида, ёки бўлмаса Mi 9I ва Mi 9I Pro шаклида номланиши мумкин.
Мазкур моделларнинг қачон тақдим этилиши аниқ эмас, айрим русумлардаги Xiaomi телефонларини эса 590 000 сўмдан бошланувчи нархларда Terashop.uz интернет-дўконимиздан харид қилиш мумкин. Шу ёки бошқа ишлаб чиқарувчининг смартфонини ишлатаётганингиздан қатъи назар, биз сизга омадингизни синаб кўришни таклиф қиламиз! Айни дамда 2 июнга қадар сизда ушбу компаниянинг ажойиб фитнес-браслети – Mi Band 3 ютиб олиш имконияти мавжуд.
Бунинг учун YouTube-каналимизга аъзо бўлиб, ушбу видео остига изоҳ ёзиб, «Ёқди» тугмачасига боссангиз кифоя. Ғолиб эса сайтимизнинг Facebook-саҳифаси орқали жонли эфирда аниқланади ва ушбу омадли инсонга совға ўзи яшаб турган вилоят марказигача бепул етказиб берилади!
Бу ҳақдаги батафсил маълумотни мана бу ерда олишингиз мумкин. Интернет-дўконимизда эса шу кунларда «Айём» акцияси доирасида мазкур компаниянинг айрим смартфонларига чегирмалар эълон қилинган.
