Realme 7 5G тақдимот куни расман айтилди: бу қанақа смартфон?
Oppo корпорациясининг арзончи бренди ўзининг янги смартфони – Realme 7 5G моделини глобал тақдимотга тайёрлади. Компаниянинг Буюк Британия бўлинмаси унга бағишланган расмий постер эълон қилди.
ЎҚИНГ: Бу смартфонсоз Samsung, Xiaomi, Vivo, Apple ва Huawei’дан ҳам ўзиб, мутлақ рекорд ўрнатди!
Постерга кўра, Realme 7 5G смартфонининг онлайн тақдимот маросими 19 ноябрь куни, Англия вақти билан соат 10:00 да бошланади. Тошкент вақти билан бу 15:00 га тўғри келади, тадбирни компаниянинг Facebook, Twitter ва YouTube-саҳифаларида реал вақт режимида кўриш мумкин бўлади.
Tune into the realme UK Livestream launch of #realme75G and our #realDeals Black Friday event.
— realme UK (@realmeUK) November 11, 2020
19.11.20 at 10 AM GMT. https://t.co/tnqHWSDBei
Миш-мишларга кўра, Realme 7 5G буткул янги модел бўлмасдан, ишлаб чиқарувчи ўз юртида аввалроқ тақдим этган Realme V5 5G смартфонининг глобал версияси бўлади. Эслатиб ўтамиз, бу – дизайни хитойлик техногигантнинг Honor 30 моделига ўхшаш, лекин унинг ярим нархидаги 5G-смартфондир. Унинг техник хусусиятлари билан мана бу хабаримизда батафсил танишиш имкони мавжуд.
Realme 7 5G смартфони Европа бозорида қанчага баҳоланиши номаълум, Realme V5 5G учун эса Хитойда тахминан 214 АҚШ долларига тенг нарх қўйилган.
ЎҚИНГ: Қайси смартфонлар ишлатилса ҳам нархини кўп йўқотмайди?