Samsung chetga chiqib turishi kerak: Huawei dunyo bozorida birinchi bo‘lmoqchi
Huawei kompaniyasi Apple’ni quvib o‘tgandandan keyin poygada tezlikni oshirishga bo‘lgan ishtiyoqi yanada kuchayib ketdi, chamasi. Endi kompaniya smartfonlar bozorida yagona liderga aylanmoqchi. Darvoqe, kompaniya avval liderlikni egallash 3-4 yilda amalga oshadi degan bo‘lsa, endi bu muddat uzoq emas deyishmoqda. Ular ko‘zlangan marraga bir yilda ham yetsa bo‘ladi, deb bayonot berdi.
Huawei kompaniyasining iste’mol bozori bilan ishlaydigan bo‘limi rahbari Richard Yu fikr bildirishicha, Huawei Samsung’ni 2021 yilda emas, balki hademay, ya’ni kelasi yil oxirigacha quvib o‘tadi. «2019 yilda biz ikkinchi, hatto birinchi raqamli kompaniyaga ham aylanishga ishonchimiz komil”, deya ta’kidladi Richard Yu.
O‘QING:2018 yil, avgust: Xitoyda «bestseller» smartfon aniqlandi
Ammo kompaniya ko‘zlayotgan marrasiga tish oson emas. Buning bir nechta sababi bor!
Birinchidan, Apple ustidan qozonilgan g‘alaba barqaror bo‘lmasligi mumkin. Eslatib o‘tamiz, kompaniya smartfonlar sotuvida oldinga chiqib olgani faqat joriy yilning ikkinchi choragida yuz berdi. 2017 yil yozda ham Huawei smartfonlar savdosi bo‘yicha dunyo bo‘yicha ikkinchi o‘ringa chiqib olgandi. Ammo yangi avlod iPhone’ning taqdimotidan keyin ikkinchi o‘rinni yana egasiga qaytarib berishga majbur bo‘lgandi. Hozirgi vaziyatda ham shunday bo‘lishi mumkin, chunki “olmachi”lar bu yil smartfonning bir yo‘la uchta modelini bozorga shaylab turibdi
Ikkinchidan, Samsung’ni quvib o‘tish ham Huawei o‘ylagandek oson emas. Chunki ikkinchi choraklikda kareyslar 71.5 million dona smartfon sotgan bo‘lsa, Huawei — 54.2 millionta. Ammo Samsung savdosi tobora pasayib, Huawei kompaniyasi yuksalib borayotganini ham nazardan qochirmaslik kerak. Yana bir ma’lumot: bu yil Huawei 200 millionta samartfon sotishni mo‘ljallab turibdi.