Xiaomi яширган «Қора Акула» – иккинчи ўйинбоп смартфон TENAA’да фош бўлди!
Айни дамгача Android-смартфонлар орасида самарадорлик бўйича энг зўри – Xiaomi Black Shark моделидир. Ўйинлар ўйнашга мосланган ушбу қурилмани «хитойча Apple» шу йилнинг 13 апрелида намойиш этганди.
ЎҚИНГ: ТОП-10: Дунёдаги энг тезкор Android-смартфонлар (AnTuTu талқини, 2018 йил, сентябрь)
Буни қарангки, Xiaomi аллақачон ушбу «Қора Акула»нинг иккинчи авлодини ҳам тайёрлашга улгурибди. Компания сир тутган иккинчи авлод геймерофонини TENAA агентлиги фош этиб қўйди.
Xiaomi Black Shark 2 смартфони TENAA базасида AWM-A0 модел рақами остида сертификатланган. Эълон қилинган суратлардан унинг оригинал Black Shark дизайнида эканини кўриш мумкин.
Гувоҳи бўлаётганингиздек, ташқи кўринишда ўзгаришлар ҳам бор. Жумладан, қўш модулли камера объективлари ҳамда унинг фоточақноғи тикка жойлашган (аввалгисида горизонтал эди). Шунингдек, оригинал Black Shark моделида бармоқ изи сканери экраннинг остидаги «Уйга» тугмачасига жорий этилган бўлса, бунисида орқа панелга кўчирилган.
Маълумотларга кўра, Xiaomi Black Shark 2 диагоналига 5,99 дюймлик экранга эга. Томонлари ўзаро 18:9 нисбатли бўлган дисплейнинг тасвир аниқлиги 2160х1080 пикселга тенг. Корпуси ўлчамлари 160х75,26х8,7 миллиметрни, аккумуляторининг ток сиғими эса 4000 мА/соатни ташкил этади.
«Қора Акула»нинг иккинчи авлоди якка кристалли Qualcomm Snapdragon 845 процессорига, 8 ГБ тезкор ва 128 ГБ доимий хотирага эга. Бу кўрсаткичлар айни дамда яхши, аммо яқинда тақдим этилиб, самарадорлик бўйича мутлақ рекордчи бўлган айфонларга, кейинги ойда тақдим этиладиган, 7 нанометрлик Kirin 980 процессорли Huawei Mate 20 Pro флагманига у бас кела олармикан?
ЎҚИНГ: Apple яна AnTuTu’да мутлақ рекорд ўрнатди – бу гал iPhone XS Max!
Айтиш керакки, айнан ўйинбоп смартфон сифатида илк бор Razer Phone қурилмаси тақдим этилган. Ушбу ишлаб чиқарувчи мазкур смартфоннинг иккинчи авлоди – Razer Phone 2 моделини ҳам яқин орада намойиш қилмоқчи. Булардан ташқари Xiaomi Black Shark, Nubia Red Magic ва ASUS ROG Phone каби геймерофонлар чиққан. Шунингдек, Samsung ҳам геймерлар учун смартфон чиқармоқчи ва бу Galaxy X модели бўлиши ҳам мумкин.
Xiaomi’нинг бир қатор русумлардаги смартфонлари, шу шумладан «Тезкорлик устаси» дея тавсифланувчи арзон флагмани – Pocophone F1 ҳам интернет-дўконимизда расмий кафолат билан сотилмоқда. Уларга онлайн тарзда буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.