2019 йилги энг зўр Android-ўйинлар: Google рейтинги чиқди
Google компанияси Android-қурилмалар учун якунига етаётган йилдаги энг яхши иловалар рўйхатини эълон қилганди. Шу билан бирга, у Google Play Market’даги энг зўр ўйинларни ҳам эътироф этган.
ЎҚИНГ: iPhone, iPad ва бошқа Apple девайслари учун 2019 йилнинг энг зўр илова ҳамда ўйинлари
Қуйида энг яхшилари сифатида келтирилган ҳар бир ўйиннинг номига ҳавола ўрнатилган – унинг устига боссангиз, юклаб олиш саҳифасига ўтасиз.
Шундай қилиб, Google’га кўра, бу йилги барча янги ўйинлар орасида энг зўри Call of Duty: Mobile экан. Бир вақтнинг ўзида бир нечта фойдаланувчи ўйнаши мумкин бўлган ушбу шутернинг мобил версияси ҳақида кўп ёзганмиз.
Қидирув гигантидан ташқари, фойдаланувчиларнинг ўзлари энг яхшиси, дея эътироф этган ўйин эса Brawl Stars лойиҳасидир. Шунингдек, Google Play каталогидаги бошқа айрим ўйинлар ҳам қуйидаги номинациялар бўйича энг яхшилари қаторига киритилган:
Энг яхши инди-ўйинлар:
- Ailment – пиксель-арт услубидаги экшен-платформер
- Костер: тарк этилган ерлар – концептуал шаҳарсозлик стратегияси
- Chuchel – комедиявий платформер
- G30 – Хотира лабиринти – минималистик бошқотирма
- Tiny Room Stories: Town Mystery – детектив пазл
Дарвоқе, кўпчиликка нотаниш бўлган «инди-ўйин» атамаси ҳақида мана бу мақоламизда ЎҚИНГ: 2017 йилнинг энг оммабоп ва энг қизиқарли бепул Android-ўйинлари
Энг яхши казуал ўйинлар:
- Angry Birds Dream Blast – машҳур ўйинлар туркумининг персонажлари иштирокидаги аркада
- Балиқ ови ва турмуш – медитация симулятори
- Гольф чўққилари – таниқли спорт тури ва бошқотирма аралашмаси
- Mario Kart Tour – Nintendo компаниясининг классик аркада пойгаси
- Vinyard Valley – «бир қаторда учтадан» жанридаги аркада
Энг зўр инновацион ўйинлар:
- Archero – камончининг ёвуз кучларга қарши кураши ҳақидаги экшен
- Assassin’s Creed Rebellion – Assassin’s Creed оламидан соддалаштирилган RPG-ўйин
- Auto Chess – харитали TBT-стратегия
- The Elder Scrolls: Blades – афсонавий ролли ўйинлар туркумининг мобил версияси
- OVIVO: Оқ-қора ўйин – метафорали платформер
Хўш, бу ўйинлардан қайсиларини ўйнагансиз? Ҳали синаб кўрмаган бўлсангиз – ҳозир бунинг айни мавриди!
ЎҚИНГ: Android-смартфонлар учун интернетсиз ишловчи ўнта бепул янги ўйин