Xiaomi раҳбари AnTuTu’нинг янги рекордчисини эълон қилди! (2019 йил 16 февраль)

  •   DiMaX
  •  2008
  •  16.02.2019 10:27

Xiaomi раҳбари AnTuTu’нинг янги рекордчисини эълон қилди! (2019 йил 16 февраль)

Qulacomm Snapdragon 855 процессори расман тақдим этилгач, унга асосланган смартфонлар турли бенчмаркларда етакчи бўлиши маълум бўлди. Жумладан, гарчи аввалроқ Geekbench’да шарманда бўлган эса-да, Lenovo Z5 Pro GT амалда ўзини оқлади.

ЎҚИНГ: AnTuTu’да мутлақ рекорд: Lenovo Z5 Pro GT ваъда қилинганидан ҳам ошиқ натижа кўрсатди!

Аммо бугун – 2019 йилнинг 16 февралида Xiaomi раҳбари Weibo ижтимоий тармоғида қизиқ скриншот эълон қилди. Бу Mi 9 флагманининг AnTuTu бенчмаркида намоён этган самарадорлик кўрсаткичидир. Ушбу сервисда эришган натижасига қараганда, Xiaomi Mi 9 мутлақ ғолибликка даъвогар!

387 851 балл – аъло натижа, ахир у Lenovo Z5 Pro GT моделининг кўрсаткичидан ҳам 15 000 баллга юқори!

ЎҚИНГ: AnTuTu: Андроид-смартфонларнинг янги «қирол»и чиндан ҳам Apple’нинг сўнгги флагманларидан зўрми?

Аммо, гарчи рекорд натижа кўрсатган бўлса-да, Xiaomi Mi 9 флагманини ҳозирча AnTuTu’нинг мутлақ етакчиси, деб бўлмайди. Чунки шу йилнинг январь ойи бошида ҳали тақдим этилмаган Sony Xperia XZ4 смартфони ушбу бенчмаркда салкам 400 000 очко олган. Шунинг учун ҳам, мазкур моделлар расман тақдим этилиб, фойдаланувчилар томонидан AnTuTu’да синаб кўрилганидан кейингина ҳақиқий мутлақ рекордчи аниқ бўлади.

Эслатиб ўтамиз, Mi 9 ҳамда Mi 9 Explorer Edition флагманларининг намойиш 20 февралга белгиланган, аммо шундан кейиноқ Xiaomi яна битта смартфон намойиш қилади! Мазкур компаниянинг сўнгги тақдим этган Redmi Note 7 моделини ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.

ЎҚИНГ: Қарши олинг: Terashop.uz’да «Баҳорий кайфият» акцияси!