Samsung atigi 340 dollarga Android 11, flagman protsessor va 7000 mAs batareyali kamerofon chiqaryapti
Yaqindagina Samsung birdaniga beshta yangi – arzon va hamyonbop smartfonlar haqida ayrim ma’lumotlarni o‘z saytlariga chiqargan edi. Shulardan biri – Galaxy M02 modelini kompaniya kuni kechagina Hindistonda taqdim qildi.
O‘QING: Eng kutilayotgan Samsung smartfonini ilk rasmiy suratda har tomonidan ko‘ramiz!
Endi esa o‘sha beshta smartfondan yana biri – Galaxy F62 modeli haqida ayrim ma’lumotlar paydo bo‘ldi. Ulardan asosiysi – Samsung bu smartfoniga o‘zining Exynos 9825 chipsetini o‘rnatyapti. Bu jihati smartfon avvalroq Geekbench servisida test topshirganida aniqlangan edi. Eslatib o‘tamiz, bu – kompaniyaning Galaxy Note 10 hamda Galaxy Note 10+ flagmanlarida qo‘llangan protsessordir.
Galaxy F62 modelining yana bir muhim jihati – akkumulyatori naq 7000 mA/soatlik tok sig‘imiga ega ekanligidir. Smartfonning ekrani Super AMOLED matritsali bo‘lib, o‘lchami diagonaliga 6,7 dyuym keladi.
Bu gadjetning bosh kamerasi to‘rt modulli, uning asosiy datchigi esa 64 megapiksellik aniqlikka ega. Selfi ishqibozlariga ham Galaxy F62 ma’qul keladi – unda 32 megapiksellik old kamera bo‘ladi.
Samsung ushbu devaysini qadoqdanoq eng yangi – Android 11 operatsion tizim talqini bazasidagi One UI 3.1 grafik qobig‘i bilan taklif etadi. uning tezkor va doimiy xotira hajmi esa tegishlicha 6 va 128 gigabaytlik bo‘lishini aytishmoqda.
Kamida ikki xil – ko‘k va yashil rangli korpuslarda ishlab chiqariluvchi Galaxy F62 premerasi yaqin orada bo‘lib o‘tishi kerak, lekin kuni aniq emas. Shunga qaramasdan, smartfonning narxi ma’lum: uni Hindistonda namoyish etib, 340 dollarga teng narxda mahalliy bozorga chiqarishadi.
O‘QING: 15 xil Samsung smartfoniga Android 11 bazasidagi OneUI 3.1 proshivkasi keladi