Eng qudratli smartfonlar (2019 yil 1-chorak): Galaxy S10+ ikkinchi o‘rinda, qolgan barchasi «xitoylik»!
Smartfonlarning samaradorligini baholovchi servislar haqida gap ketganida, biz odatda Geekbench va AnTuTu kabilarni tushunamiz. Lekin Xitoyda yana bir benchmark – Master Lu ilovasi ham juda ommabop.
O‘QING: AnTuTu narxiga munosib smartfonlar reytingini e’lon qildi
Ushbu benchmark kuni kecha joriy yilning birinchi choragidagi tekshiruvlar natijalariga tayangan holda, eng samarador Android-smartfonlar o‘ntaligini ma’lum qildi. Qizig‘i – unda «Osmon osti saltanati»ga mansub bo‘lmagan bittagina model bor – Samsung Galaxy S10+ (sotib olish) flagmani! Master Lu reytingida bu smartfon 402 259 ball bilan faxrli ikkinchi o‘ringa loyiq ko‘rilgan.
Ro‘yxatning boshida esa «xitoycha Apple» yaqinda taqdim etgan Black Shark 2 geymerofoni salkam 405 000 ball bilan savlat to‘kib turibdi. Kuchli uchlikni Vivo o‘yinbop smartfoni – iQOO Monster modeli 384 718 ochko bilan yakunlab bergan.
To‘rtinchidan o‘ninchigacha bo‘lgan o‘rinlarni esa tegishlicha ballar bilan quyidagi smartfonlar egallagan: Xiaomi Mi 9 (xarid qilish) – 366 830 ball, Nubia Red Devil Mars – 360 202 ball, Nubia X – 334 108 ball, Asus ROG Phone – 331 639 ball, OnePlus 6T – 329 281 ball, Huawei Mate X – 329 281 ball hamda Vivo NEX – 325 639 ball.
O‘QING: Dunyodagi eng zo‘r Android-smartfonlar o‘ntaligi (AnTuTu reytingi, 2019 yil aprel)
